Oppiwater Kunstefees 2027
Die dertiende Oppiwater Kunstefees word van 14 tot 19 Februarie 2027 aanboord die MSC Armonia aangebied. Met meer as 30 top Afrikaanse teaterproduksies op ons kunsskippie.
- Datum14 – 19 Februarie 2027
- PlekMSC Armonia, Durban | Mosambiek
- PrysVaart vanaf R11 135 p.p.*
Bespreek
14 – 19 Februarie 2027
MSC Armonia, Durban | Mosambiek
Vaart vanaf R11 135 p.p.*
- 5 nagte aanboord die MSC Armonia, heen en terug vanaf Durban
- Besoek Pomene en Portugese Eiland (Inhaca-argipel), Mosambiek
- *Per persoon — hawebelasting en hoteldiensgelde (R2 535) ingesluit
- ’n Vermaakfooi per persoon vir die temavaart word by betaling bygevoeg
- Vlugte beskikbaar vanaf R3 310
- Pryse soos op msccruises.co.za op 6 Oktober 2026 — onderhewig aan beskikbaarheid
- Navrae: (011) 844-6073 of oppiwater@rsg.co.za
Jy word na msccruises.co.za geneem.
Oor die produksie
Oppiwater Kunstefees 2027
Vir die dertiende keer gaan ons Oppiwater Kunstefees Skippie weer vaar. Ons feesgangers gaan heerlik fees hou aanboord die mooi en luukse MSC Armonia, met teater, toneel, komedie, sang, musiek en dans. Hierdie is die ideale manier om ‘n Kunstefees by te woon, want jou kos en verblyf is reeds by die prys ingesluit!
Die Oppiwater Kunstefees is uniek in die wêreld! Dit is die enigste volwaardige kunstefees wat aanboord ‘n plesierboot aangebied word. Die Oppiwater Kunstefees het onlangs ‘n spesiale Naledi-toekenning vir die beste innovering in die teaterwese ontvang. Ons bied meer as 30 verskillende Afrikaanse teaterproduksies aan Oppiwater. In hierdie week beland jy in ‘n borrel van kuns, kultuur, lekker eet, mengeldrankies, dekpartytjies en vriende maak. Kom saam man en kom kry JOU kuns Oppiwater!
BELANGRIK: Neem asseblief kennis dat die Oppiwater-fooi jou toegang gee tot die Oppiwater Kunstefees, maar dit sluit GEEN individuele kaartjies na produksies in nie. Met jou Oppiwater-fooi, kry jy wel gesubsidieerde en goedkoper kaartjies (van R95.00 to R250.00 per kaartjie in teenstelling met kommersiële kaartjies van R190.00 tot R350.00 per kaartjie). Kaartjies vir die verskillende produksies moet apart bespreek word by www.LTickets.co.za. Die feesprogram word op 1 Oktober 2026 bekendgestel, en van die voorste produksies en kunstenaars in die land is reeds bevestig. Feesgangers word aangeraai om vroegtydig hulle kaartjies by www.LTickets.co.za te bespreek. Daar sal kaartjies op die MSC Opera beskikbaar wees teen $18 (ongeveer R360.00) per kaartjie, so dit is beslis wys om eerder vroegtydig hier in Suid-Afrika jou kaartjies by www.LTickets.co.za te bespreek.
Bespreek by www.oppiwater.com, of skakel (011) 844-6073. Skakel gerus vir Lefra by (011) 815-3000 vir meer inligting of epos oppiwater@rsg.co.za. Deur vir die Oppiwater Kunstefees te bespreek gee u en u gade/metgesel toestemming dat MSC Cruises u persoonlike inligting met die Organiseerders van die Oppiwater Kunstefees mag deel. U inligting sal net gebruik word om reëlings ten opsigte van die Oppiwater Kunstefees aan u deur te gee.
Vrywaring: Geadverteerde aktiwiteite en kunstenaars by die Oppiwater Kunstefees word deur die fees se organiseerders gereël en sal oor die algemeen die standaard vermaakprogram vervang wat aan boord van die MSC Armonia aangebied word. Enige MSC Armonia/MSC Cruises-vermaak wat nie vervang word nie, bly gratis beskikbaar vir passasiers. Let asseblief daarop dat kaartjies vir die Oppiwater Kunstefees bespreek moet word soos hierbo beskryf. Alle feesaktiwiteite en kunstenaarsverskynings is onderhewig aan verandering sonder vooraf kennisgewing.